Исплатата на регресот за годишен одмор за 2024 година треба да биде поврзана со користењето на одморот и да се исплати најдоцна до крајот на календарската година 31.12.2024. Овој текст ги објаснува условите за стекнување право на регрес, висината и рокот за исплата.
1. Услови за стекнување право на регрес
- Работникот мора да работи најмалку шест месеци кај истиот работодавач.
- За разлика од правото на годишен одмор, за регрес не е потребно работењето да биде непрекинато.
2. Висина на регресот за годишен одмор за приватниот сектор (ОКДС):
- Регресот за годишен одмор може да биде најмалку 40% од основицата, што претставува просечната месечна нето плата по работник во РСМ исплатена во последните три месеци.
- На пример, за периодот од 20.12.2024 до ……..), минималниот износ на регрес ќе биде 16.641 денари.
· Висина на регресот за годишен одмор за јавниот сектор (ОКДЈС):
- За јавниот сектор, регресот е најмалку 30% од основицата.
- Просечната месечна нето плата по работник за 2024 година изнесува 36.614 денари, така што минималниот износ на регрес за јавниот сектор изнесува 10.984 денари.
· Износ на регресот во колективни договори:
- Во некои колективни договори, регресот може да биде повисок од минималните износи пропишани со ОКДС или ОКДЈС.
- На пример, во хемиската индустрија, колективниот договор може да утврди регрес што не е помал од најниската плата утврдена со овој договор, а исплатата треба да се изврши најдоцна до 30.06. наредната година.
- Во текстилната индустрија, во член 49 предвидена е исплата на регрес за годишен одмор во висина не помала од најниската плата утврдена со овој колективен договор, најдоцна со 30.06. наредната година. Доколку кај работодавачот настанати потешкотии (загуби и елементарни непогоди), предвидено е да не се исплаќа регрес за годишен одмор, а во случај наекономски потешкотии, за исплата на регрес потребна е спогодба меѓу работодавачот и синдикатот.
3. Рок за исплата на регрес
- Регресот треба да се исплати најдоцна до 31.12. на тековната година, но тоа зависи од колективниот договор на работодавачот.
4. Актуелни прашања
- Работници на породилно отсуство кои работеле најмалку шест месеци имаат право на регрес.
- Работници кои остваруваат право на пензија имаат право на регрес ако работеле најмалку шест месеци кај ист работодавач во календарската година.
5. Даночен третман
- Регресот се оданочува како доход од работа со данок од 10% на бруто износот, (11,1111% на нето износот на регрес.)
Износи за исплата може да се видат на линкот во прилог од официјалната страна на УЈП (линк)
За повеќе информации и консултации или пресметки и помош при исплата контактирајте ги нашите стручни лица https://unija.com/mk/contact/
Или на нашиот телефонски број и мејл адреса
+389 2 2450 199
