Со почеток од 01.01.2025, во Македонија официјално стапува во сила новиот стандард МСФИ 16 (Закуп/Лизинг). Овој стандард носи значајни промени во начинот на кој компаниите управуваат со своите договори за закуп и лизинг и ги презентираат во финансиските извештаи.
Зошто МСФИ 16 е важен?
Целта на овој стандард е да се зголеми транспарентноста, точноста, и споредливоста на финансиските извештаи. Компаниите ќе треба да ги прикажуваат долгорочните договори за закуп (освен краткорочни и со мала вредност) како средства и обврски во билансот на состојба, што ќе овозможи подобро разбирање на нивната финансиска состојба.
Клучни промени што ги носи МСФИ 16:
- Пресметка и прикажување на средства и обврски:
Договорите за закуп ќе се класифицираат како “право на користење” (Right-of-Use Asset), а обврските како финансиски задолжувања. - Влијание врз финансиските показатели:
Промените ќе влијаат врз:- Задолженост,
- Оперативни трошоци (намалување на износите за закуп),
- Пари и парични текови.
- Приспособување на системите:
Компаниите ќе треба да ги усогласат своите финансиски системи за управување и известување со барањата на стандардот.
Што значи ова за компаниите?
- Точна пресметка:
Ќе биде потребно да се пресмета вредноста на средствата и обврските врз основа на времетраењето и условите на договорите за закуп. - Обука и техничка подготвеност:
Потребна е подготовка на финансиските тимови и ажурирање на постоечките процеси. - Можност за оптимизација:
Ова е можност за подобро менаџирање и преглед на тековните договори за закуп, со цел нивна оптимизација.
