Покрај платите, инфлацијата останува една од најважните теми во Македонија, подеднакво значајна и за граѓаните и за бизнис-секторот. Токму затоа, во овој текст ги издвојуваме најновите податоци што ги обликуваат пазарните трендови во 2025 година.
Според податоците на Државниот завод за статистика, индексот на трошоците на животот во ноември оваа година забележа пораст од 4% во однос на истиот период лани, додека индексот на цените на мало е зголемен за 3%.
Од друга страна, во споредба со месец октомври, инфлацијата изнесува 0,5%. По одделни категории, забележани се следните стапки:
- Транспорт: 1,7%
- Рекреација и култура: 0,9%
- Храна и безалкохолни пијалаци: 0,7%
- Мебел, покуќнина и одржување на домаќинствата: 0,5%
- Ресторани и хотели, како и здравство: 0,3%
- Алкохолни пијалаци и тутун: 0,2%
- Комуникации, облека и обувки, домување и комунални услуги: 0,1%
Од наведеното може да се забележи умерен раст на цените на основните производи и услуги. Доколку сакате да бидете во тек со сите најнови информации, редовно посетувајте ја нашата страница со вести. Во моментов тоа можете да го направите со клик на поврзаното копче подолу.
