Авансните фактури од даночен аспект претставуваат однапред платени парични средства за идна испорака на добра и услуги кои треба да се извршат.
Извршувањето може да биде целосно или парцијално со повеќе аванси. Најчесто тука спаѓа извршувањето градежни работи, односно поголеми потфати, чие извршување трае долго и користи многу ресурси.
Согласно член 53 став 4 од ЗДДВ, даночниот обврзник има обврска да издаде фактура за секое плаќање кое го добива однапред, најдоцна во рок од 5 работни денови од плаќањето. ДДВ стапката што ќе се примени, зависи од тоа со која ДДВ стапка ќе се оданочи конечниот промет на добра и услуги. Во конечната фактура се минусираат износите на примените аванси, како и износите на данокот кој настанал за нив. Ако даночниот обврзник изврши плаќање пред да се изврши прометот, правото на одбивка на претходниот данок може да го користи ако добие фактура која ги исполнува условите од член 53 од ЗДДВ
