За остварување на финансиска подршка од членот 14 од Законот за финансиска поддршка на инвестиции, деловниот субјект треба да ги исполни следните услови и тоа:
1. да оствари раст на приходи од дејноста и на просечниот број на вработените во однос на остварениот приход и просечниот број на вработени согласно член 8 од овој закон; и
2. најмалку 75% од нововработените лица во текот на годината, за која се бара финасиска поддршка треба да се лица кои исполнуваат најмалку еден од подолу наведените услови и тоа:
– најмалку 3 месеци пред вработувањето да немале засновано работен однос;
– најмалку 12 месеци пред вработувањето да не биле вработени кај корисникот на финансиската поддршка или во поврзан деловен субјект;
– прв пат засноваат работен однос;
– последниот работен однос им престанал поради отварање на стечајна или ликвидациона постапка; или
– непосредно пред вработувањето бил вработен во јавна или државната администрација.