За многу претприемачи започнувањето или ширењето на бизнисот во странство е логичен чекор и возбудливо искуство. Сепак, тоа носи и многу предизвици, а еден од најчестите е отворањето деловна банкарска сметка. Процесот што би можел да се заврши за една до две недели, обично се одолговлекува на неколку недели или месеци, со многу прашања, измени, а понекогаш дури и одбивања без јасно објаснување, иако компанијата работи целосно легално. Странските компании често имаат чувство дека се вртат во круг.
Во продолжение ги претставуваме најчестите предизвици со кои се соочуваат деловните субјекти (во понатамошниот текст: компанија/клиент) при отворање банкарска сметка во странство, како и практични совети како однапред да се избегнат.
Најчести проблеми при отворање сметка во странство
- Администрација и документација
- AML/KYC прописи и различни банкарски политики
- Локални овластувања и застапувања
- Трошоци на постапката
Администрација и документација
Отворањето банкарска сметка во странство бара од компанијата да достави обемна документација:
- од извод од трговски регистар и основачки акт до податоци за вистинските сопственици;
- даночен број;
- деловна адреса и
- опис на деловниот модел.
Барањата се разликуваат во зависност од државата и банката, при што доставената документација често мора да биде официјално признаена (заверен превод од судски преведувач), додека некои земји бараат и заверка на потпис (т.н. апостил).
Најчеста причина за одбивање е нецелосна или неусогласена документација. Банката може дополнително да побара од компанијата да обезбеди и достави дополнителни документи. На пример:
- договори со купувачи;
- подетален опис на деловниот модел или изворите на приходи;
- или едноставно може да ја одбие апликацијата.
Типичен пример е UBO изјава, која за повеќето банки не смее да биде постара од 3 месеци. Доколку компанијата достави постара изјава, тоа може да биде причина за нов круг на доставување документација и продолжување на постапката или, во најлош случај, за одбивање на барањето. Секако, доколку банката процени дека ризикот поради неадекватна документација е превисок во рамките на нејзините обврски согласно AML/KYC правилата.
Неподготвена и нецелосна документација предизвикува доцнења и дополнителни трошоци за преводи и административни постапки. Дел од овие проблеми може да се ублажат со планирање и навремена подготовка на документацијата, како и со вклучување консултант кој е запознаен со законските барања и специфичните критериуми на банката и кој помага да се подготви јасен и координиран сет на документи. На овој начин се намалува бројот на измени, се скратува времетраењето на постапката и ѝ се овозможува на компанијата да се фокусира на своето работење.
AML/KYC прописи и различни банкарски политики
Во рамките на процесот на отворање банкарска сметка, банката спроведува анализа на работењето (due diligence) на својот потенцијален клиент, во согласност со прописите за спречување перење пари и финансирање тероризам (AML). Банката мора да се придржува до европските закони и правила за познавање на своите клиенти (KYC), кои вклучуваат проверка на сопственичката структура на компанијата, деловниот модел и изворите на средства. За нерезиденти и клиенти со повисок ризик од перење пари и финансирање тероризам се спроведуваат построги проверки. Станува збор за многу важна фаза во која банките ги проверуваат сите околности релевантни за проценка на ризикот на клиентот.
Во овој контекст најголем проблем претставуваат сложените сопственички структури на повеќе нивоа, со холдинг компании и подружници во различни земји, што на банките им го отежнува идентификувањето на вистинските сопственици – физичките лица. Дополнителен ризик се т.н. офшор компании регистрирани во јурисдикции со повластен даночен систем. Во такви случаи, банките обично бараат дополнителни објаснувања и докази. Тие имаат право да одбијат клиент кој го сметаат за премногу ризичен, доколку одлуката се заснова на почитување на наведените закони.
Компанијата може да ги избегне компликациите така што навремено и транспарентно ќе ја претстави својата сопственичка структура, паричните текови и природата на своето работење. Треба да подготви изјава за законитост на работењето, референци од други банки со кои соработува и локални деловни контакти.
Иако банките се обврзани со европските стандарди, нивните барања кон клиентите можат значително да се разликуваат. Без познавање на нивните интерни правила, на компанијата ѝ е тешко да процени каде има реални шанси за отворање сметка. Затоа, изборот на банка е од исклучителна важност, без разлика дали интерно или со стручна поддршка, потребно е да се анализираат и споредат повеќе банки и да се избере онаа што има искуство со меѓународни клиенти или специјализирани оддели за странски клиенти.
Локални овластувања и застапување
Компаниите регистрирани во странство кои немаат физичко присуство во земјата во која поднесуваат барање за отворање банкарска сметка често се соочуваат со дополнителни предизвици. Ова важи и за меѓународни компании кои влегуваат на нов пазар. Ваквите клиенти, банките ги сметаат за поризични, поради економски ограничувања, потенцијално непочитување на локалните прописи и неизвесност околу навременото исполнување на обврските.
Компликациите може да се избегнат со обезбедување минимално локално присуство преку:
- уредување на деловна адреса;
- изнајмување деловен простор;
- воспоставување локално партнерство или основање филијала.
Кој облик на локално присуство е најсоодветен зависи од конкретниот деловен модел, активностите и планираниот влез на пазарот, па затоа се препорачува во донесувањето на одлуката да се вклучи експерт од оваа област.
Трошоци на постапката
Процесот на отворање банкарска сметка во странство е долготраен и сложен, и може да вклучува лични посети на филијали, дополнителни усогласувања итн., што одзема време и пари. Важно е да се споменат и релативно високите почетни трошоци кои, меѓу другото, вклучуваат одржување на сметка, платен промет, консултантски услуги, како и преводи и заверки на потребната документација.
Сеопфатни решенија за предизвиците при отворање сметка во странство
Изборот на вистински банкарски партнер и ефикасното спроведување на процесот е неопходно за непречено работење на компанијата. Со разбирање на специфичните барања на земјата во која компанијата сака да работи, темелна подготовка на документацијата и вклучување консултант, сите предизвици може лесно да се надминат. Унија ЕТЛ Консалтинг нуди сеопфатна стручна поддршка – од избор на вистинската банка и подготовка на комплетна документација, до управување со целиот процес на отворање банкарска сметка во странство. Нашата цел е да го поедноставиме процесот, да ги намалиме доцнењата и да обезбедиме успешно отворање сметка, со цел компаниите да можат да се фокусираат на своето работење.
Испратете ни барање и контактирајте со нашите искусни консултанти.
Кои документи треба да ги достави компанијата за да отвори деловна банкарска сметка во странство?
За да отворите банкарска сметка во странство, потребно е да доставите најмалку извод од трговски регистар, основачки акт, податоци за вистинските сопственици, даночен број, деловна адреса и опис на деловниот модел. Се препорачува да приложите и UBO потврда, која не смее да биде постара од три месеци, како и договори со клучни клиенти. Пред да ја започнете постапката, проверете дали документите што ги доставувате до избраната банка се преведени и заверени, за да избегнете непотребни одложувања.
Како компанијата може соодветно да се подготви однапред за исполнување на AML/KYC прописите при отворање банкарска сметка во странство?
Покрај горенаведените документи кои мора да се достават, потребно е да се обрне внимание на транспарентноста во однос на сопственичката структура. Компаниите со сложена сопственичка структура, особено мора да ѝ овозможат на банката јасно да го идентификува крајното физичко лице како вистински сопственик. Неопходно е доставената документација да ја прикажува суштината, односно јасните економски врски со земјата во која сакате да отворите деловна банкарска сметка, што треба да биде очигледно и од описот на деловниот модел.
Дали компанијата мора да има реално деловно присуство во земјата во која сака да отвори деловна сметка?
Реалното деловно присуство во форма на деловни простории и вработени не е задолжително за отворање деловна банкарска сметка. Сепак, за поедноставување на процесот, пожелно е да постои некаков облик на локално присуство (регистрирана деловна адреса, закуп на деловен простор, основање филијала, деловна единица, локален партнер итн.). најсоодветниот облик зависи од деловниот модел, активностите и начинот на влез на пазарот што компанијата го планира.
Кои се последиците од несоодветна подготовка?
Последиците од несоодветна подготовка се првенствено од финансиска и временска природа. Со ангажирање консултант може целосно да се избегне временскиот аспект, додека истовремена се обезбедува успешно отворање на сметката и непречено работење на компанијата.
Како да се намалат трошоците за отворање банкарска сметка во странство?
Ви препорачуваме да се поврзете со локален или регионален консултант, кој е запознаен со процедурите и барањата на различни банки и веќе има воспоставени контакти во банките. За да ги оптимизирате трошоците, препорачливо е прво да спроведете темелна анализа на тарифите и пакетите на услуги на банките, кои имаат искуство со меѓународни клиенти. Исто така, разгледајте алтернативни решенија кои можат да придонесат за пониски почетни трошоци.
